"Të nderuar prindër,
Digital School (DS) është më shumë se sa një institucion, është një komunitet i larmishëm i cili i jep përparësi mësimit interaktiv por edhe udhëheqjes ndryshe me qëllim që të krijojmë një ambient për të punuar së bashku dhe për t’u përgatitur për të zgjidhur problemet e kohës sonë në mënyrë më efikase dhe optimale nëpërmjet teknologjive moderne.
Laramania e DS na jep potencialin për të bërë gjëra të mëdha siç kemi filluar me kursistët tonë por edhe me stafin akademik të shkollës. Detyrimi ynë kolektiv si institucion është të jemi vigjilent sa mundemi dhe të ndërmarrim veprime moderne dhe bashkëpunuese për t'u mundësuar kursistëve tanë të jenë sa më të aftë për botën digjitale, pavarësisht çka do të studiojnë. Puna dhe fokusi ynë është që t’i bëjmë ata sa më ndikues në komunitet, kompani, korporata dhe vendet tjera kudo që të jenë ata nësër si qytetar modern Europian.
Ne besojmë thellë se kjo është mënyra më e mirë dhe investimi më i duhur që bëjmë për gjeneratat e reja, me qëllim që bota jonë të bëhet më e qëndrueshme. Ky është fokusi jonë primar për të justifikuar ekzistencën e institucionit tonë. Të vetëdijshëm që është sfiduese për t'u arritur, por falë vizionit dhe punës tonë besojmë se do të triumfojmë për të krijuar komunitet të përgatitur për t’u ballafaquar me sfidat e botës digjitale dhe për t’i kthyer ato në mundësi të reja suksesi.
Të qenurit në hap me botën moderne është një sfidë globale për shkak të dinamikës dhe ndryshimeve drastike qe implikojnë edhe përditshmërinë tonë, kjo është gjithashtu sfidë edhe e jona si DS.
Më poshtë keni dy tekste (Figura 1 dhe Figura 2) që janë të gjeneruara nga Inteligjenca Artificiale. Me qëllim ua dergojmë pa përmirësime dhe editim në tekst që të keni idenë se ku kemi arritur në botën digjitale, ku do të arrimë është pyetje që na sfidon të gjithëve! | 
